Бас бет04.11.2015
- Толығырақ
Ағымдағы жылғы 6 қарашада Есеп комитетінде Сыртқы мемлекеттік қаржылық бақылау органдарының үйлестіру кеңесінің кезекті отырысы өтеді
Ағымдағы жылғы 6 қарашада Есеп комитетінде Сыртқы мемлекеттік қаржылық бақылау органдарының үйлестіру кеңесінің кезекті отырысы өтеді
Үйлестіру кеңесінің жұмысына Қазақстан Республикасы Қаржы министрлігінің өкілдері, облыстардың, Астана және Алматы қалаларының тексеру комиссияларының төрағалары қатысады.
Отырыс барысында «Мемлекеттік аудит және қаржылық бақылау туралы», «Қазақстан Республикасының кейбір заңнамалық актілеріне мемлекеттік аудит және қаржылық бақылау мәселелері бойынша өзгерістер мен толықтырулар енгізу туралы» заңдарды іске асыру үшін әзірленген нормативтік құқықтық және құқықтық актілер жобаларын, мемлекеттік аудиторларды сертификаттаудың бірыңғай жүйесін ұйымдастыру, сондай-ақ мемлекеттік қаржылық бақылау органдарының қызметінде сыбайлас жемқорлық құқық бұзушылықтарға қарсы іс-қимыл мәселелерін талқылау жоспарланып отыр.
Сыртқы мемлекеттік қаржылық бақылау органдарының үйлестіру кеңесі Есеп комитетінің жанындағы консультативтік-кеңесші орган болып табылады. Оның қызметінің мақсаты ең өзекті проблемаларды алқалық талқылау арқылы жұмысты ұйымдастырудың бірыңғай қағидалары мен әдіснамасы негізінде тиімді өзара іс-қимылға ықпал жасау болып табылады. Үйлестіру кеңесінің құрамына Есеп комитетінің Төрағасы және екі мүшесі, облыстардың, Астана және Алматы қалаларының тексеру комиссияларының төрағалары кіреді.
Есеп комитетінің баспасөз қызметі
19.10.2015
- Толығырақ
Есеп комитетінің өкілі 2015 жылғы 5-16 қазан аралығында Куала-Лумпур қаласында (Малайзия) Азия жоғары қаржы бақылау органдары ұйымы (АЗОСАИ) ұйымдастырған семинарға қатысты
Семинарға АЗОСАИ-ға мүше 35 мемлекеттіңжоғары қаржы бақылау органдарының (ЖҚБО)өкілдері қатысты.
Семинар барысында объектілерді ішкі бақылауды,соның ішіндеқаржылық есептілік аудитін жүргізу кезіндегі бағалаудың негізгі әдістері қаралды. Оны жүргізу кезінде тәуекелдерді бағалауды қолданудың ерекше рөлі атап өтілді,бағалауды жүзеге асыру процесіне ықпалын тигізетін факторларды ескерудің маңыздылығы белгiленді.
Аудит жүргізілетін объектінің ішкі бақылауына бағалау жүргізу кезінде туындайтын негізгі проблемалар талқыланды.АЗОСАИ-ға мүше мемлекеттердiң жоғары қаржы бақылау органдарының осындай бағалауды жүргізутәжірибесі зерделенді.
Сонымен қатар, алаяқтық фактілерінің туындауының ықтимал тәуекелдері және ішкі бақылауға бағалау жүргізу кезінде аудит объектісінде оларды анықтаудың тәсілдері қаралды.
Семинар аяқталған соңқатысушылар сертификаттар алды.
ASOSAI (Азия жоғары қаржы бақылау органдарының ұйымы) – өзінің құрамында Азия-Тынық мұхиты өңірлеріндегі 46 елдің жоғары қаржы бақылау органдарын біріктіретін ұйым. Ұйым 1979 жылы құрылған. ASOSAI-дың жоғары органы Ассамблея болып табылады, ол 3 жылда бір рет өткізіледі.
Есеп комитетінің баспасөз қызметі
15.10.2015
- Толығырақ
Сенат «Мемлекеттік аудит және қаржылық бақылау туралы» заңды қабылдады
Қасым-Жомарт Тоқаевтың төрағалық етуімен болған Парламент Сенатының отырысындамемлекет басшысының бес институттық реформасын іске асыру жөніндегі 100 нақты қадам – Ұлт жоспарын орындау аясында әзірленген «Мемлекеттік аудит және қаржылық бақылау туралы» заң қабылданды. Бұл заңның ережелері аудитті халықаралық стандарттарға көшіруді қарастырады. Құжат Республикалық бюджеттің атқарылуын бақылау жөніндегі есеп комитетінің өкілеттігін кеңейтеді.
Атап айтқанда, Есеп комитеті республикалық бюджет жобасын алдын ала бағалау, жинақталған қаржылық есеп берудің (республика деңгейінде) жыл сайынғы аудитін іске асыру, мемлекеттік борышты қалыптастыру және басқаруды бағалау, еліміздің Ұлттық қорының аудиті секілді жаңа міндеттерге ие болады. Есеп комитетіне сондай-ақ қаржы-экономика саласындағы ұлттық қауіпсіздікті анықтау, талдау, бағалау және болжау жөніндегі өкілеттіктер де беріледі. Құжат мемлекеттік аудит және қаржылық бақылау саласындағы Үкіметтің құзыретін белгілейді.
Отырыста сондай-ақ заңнамаға мемлекеттік аудит және қаржылық бақылау мәселелері бойынша түзетулер екі оқылымда қаралып, қабылданды. Құжат мемлекеттік бюджет қаржысын пайдалану барысында әкімшілік құқық бұзушылық орын алған жағдайда мемлекеттік аудит және қаржылық бақылау органдарына әрекет ету саласында өкілеттіктер береді.
«Мемлекеттік аудит және қаржылық бақылау туралы» жаңа заң әзірленуіне байланысты мемлекеттік қаржы бақылау мәселелерін реттейтін бірқатар заңнамалық актілерге мемлекеттік қаржы бақылау мәселелерін реттейтін өзгерістер енгізіледі. Парламентте Есеп комитетінің мүдделерін білдіру құқықтарын іске асыруға бағытталған ережелер көзделіп отыр.
Қазақстан Республикасы Парламенті Сенатының баспасөз қызметі
14.10.2015
- Толығырақ
Еуразиялық экономикалық комиссия Кеңесінің отырысына қатысу үшін Қазақстанға келген Ресей Федерациясы Есеп палатасының делегациясы Есеп комитетіне келді
Кездесуге Ресейдің Есеп палатасының аппарат басшысының орынбасары Елена Шипилева, әдіснамалық қамтамасыз ету және сыртқы мемлекеттік аудитті жүзеге асыру департаментінің директоры Наталья Кузнецова және оның орынбасары Леонид Богданов қатысты.
Екі елдің жоғары қаржы бақылау органдарының ынтымақтастық мәселелері екі жақты негіздеде, Еуразиялық экономикалық одақ (ЕАЭО) шеңберінде де талқыланды.
Қазақстанның Есеп комитетінің өкілдері ресейлік әріптестерін мемлекеттік аудитке көшу бойынша жүргізіліп жатқан жұмыстар, «Мемлекеттік аудит және қаржылық бақылау туралы» заң жобасының Парламентте қаралуына байланысты, Есеп комитетінің өкілеттіктерін кеңейтуді көздейтін алдағы өзгерістер туралы хабардар етті.
Өз кезегінде, Ресейдің жоғары қаржы бақылау органының өкілдері Есеп палатасы жұмысының ең маңызды бағыттарына, бюджет жобасына бағалау жүргізудің, мекеменің қызметін стандарттаудың ерекшеліктеріне тоқталды.
Қатысушылар ЕАЭО органдарда аудитті (бақылауды) жоспарлау және жүзеге асыру барысындағы өзара іс-қимыл мәселелері туралы пікірлерімен алмасты. Серпінді дамып келе жатқан еуразиялық интеграциялық процестер жағдайында сыртқы аудиттің (бақылаудың) нормативтік және әдіснамалық құжаттарын, соның ішінде аудиттің тиісті стандарттарын әзірлеудің қажеттілігін атап өтті.
Кездесудің қорытындысы бойынша бірлескен жұмыстарды одан әрі жандандыру, соның ішінде екі жаққа бірдей қызуғушылық танытатын мәселелер бойынша пайдалы тәжірибемен алмасу жөнінде уағдаластықтарға қол жеткізді.
Есеп комитетінің баспасөз қызметі
09.10.2015
- Толығырақ
сеп комитетінің Ғылыми-әдіснамалық кеңесінің отырысы
Ағымдағы жылғы 9қазанда Республикалық бюджеттің атқарылуын бақылау жөніндегі есеп комитетінің Ғылыми-әдіснамалық кеңесінің кезекті отырысы өтті.
«Мемлекеттік аудит және қаржылық бақылау туралы»Заң жобасын іске асыру үшін әзірленген 22 құжаттың жобалары қаралды.
Құжаттарсыртқы мемлекеттік аудитті және қаржылық бақылауды жүргізу, аудиторлық іс-шараның сапасын бақылау, Мемлекет басшысына және Парламентке есептілік ұсыну, мемлекеттік аудит және қаржылық бақылау органдары қызметкерлерін қайта даярлау және олардың біліктілігін арттыру, Есеп комитетінің ақпараттық жүйесінің қаржы, ұлттық экономика министрліктерінің, Мемлекеттік қызмет істері және сыбайлас жемқорлыққа қарсы іс-қимыл агенттігінің, Бас прокуратураның Құқықтық статистика және арнайы есепке алу комитетiнің жүйелерімен өзара іс-қимылы мәселелерін реттеуге бағытталған.
Мемлекеттік аудит және қаржылық бақылау объектілерінде анықталатын бұзушылықтар сыныптауышының жобасына ерекше назар аударылды. Қаржылық бұзушылықтарға енді бюджет қаражаты мен мемлекет активтерін негізсіз пайдалануға алыа келетін бұзушылықтар ғана жатқызылатынын атап өтілді. Өзге бұзушылықтар рәсімдік бұзушылықтарға жатқызылатын болады.
Бұдан басқа «Мемлекеттік аудит және қаржылық бақылау туралы» Заң жобасында көзделген Есеп комитетінің қосымша өкілеттіктері ескеріле отырып өзектендірілген Есеп комитеті туралы Ереже мен Жұмыс регламентінің талқыланды.
Отырыстың қорытындысы бойынша, жалпы алғанда, құжаттардың қаралған бірқатар жобаларын мақұлдау және оларды келісу үшін мүдделі мемлекеттік органдарға жіберу, жекелеген құжаттарды – айтылған ескертулер мен ұсыныстарды ескере отырып пысықтау туралы шешім қабылданды.
Есеп комитетінің баспасөз қызметі
25.09.2015
- Толығырақ
Қазақстан халқы тілдерінің күнін мерекелеуге арналған Есеп комитетінің салтанатты жиналысы болып өтті
Есеп комитетінің Төрағасы Қозыкөрпеш Жаңбыршин ұжымды Қазақстан халқы тілдерінің күнімен құттықтады.
Қ. Жаңбыршиннің айтуынша, Қазақстанда халықтың тіл байлығын сақтауға әрқашан ерекше қамқорлық пен түсіністік танытылып, қазіргі заманғы қоғамды дамытудағы оның рөліне назар аударылуда.
Жоғары қаржы бақылау органының басшысы Елбасы Нұрсұлтан Әбішұлы Назарбаев үйлесімді тіл саясатын іске асыру бойынша нақты тапсырмалар бергенін, ол елімізде тұрып жатқан барлық этностардың тілдерін сақтай және дамыта отырып, мемлекеттік тілдің толық көлемде қолданылуын қамтамасыз етуі тиіс екендігін атап өтті.
Қазақстан Республикасында халықтардың тіл байлығын сақтауға әрдайым қамқорлық танытылып, қазіргі заманғы қоғамды дамытудағы оның рөліне ерекше назар аударылуда.
«Бұл ретте Мемлекет басшысының үштүғырлы тіл идеясының ерекше маңызы бар, оны іске асыру қазақстандықтардың жаңа, бәсекеге қабілетті буынын қалыптастыруға ықпал ететін болады», - деп қорытындылады Қ. Жаңбыршин.
Есеп комитетінің ұжымын Қазақстан халқының тілдері күнімен шақырылған қонақтар – қоғам қайраткері, ақын Серік Тұрғынбеков, тележүргізуші Юлия Кушнарева, Мәдениет және спорт министрлігінің басқарма басшысы Гүлмира Құбашева және Президент жанындағы Мемлекеттік басқару академиясының оқытушысы Нәзигүл Төленбергенова да құттықтады.
Салтанатты іс-шара барысында мемлекеттік тілді меңгерудегі жетістіктері және оны жұмыста кеңінен қолданғандары үшін Есеп комитетінің бірқатар қызметкерлеріне Құрмет грамоталары және Есеп комитеті Төрағасының Алғыс хаттары тапсырылды.
Есеп комитетінің баспасөз қызметі
19.09.2015
- Толығырақ
Есеп комитеті 2015 жылғы 15-18 қыркүйек аралығында Астана қаласында мемлекеттiк қаржылық бақылау жүйесінің қызметкерлерi үшiн шетелдік лекторлардың қатысуымен біліктілікті арттыру семинарларын ұйымдастырды
«Аудит сапасын бақылау» және «Тәуекелдерді басқару жүйесін қолдана отырып, бақылау іс-шараларын жоспарлау» деген тақырыптар бойынша семинарлар мемлекеттік қаржылық бақылаудың қолданыстағы жүйесін реформалау және озық шетелдік тәжірибені ескере отырып, мемлекеттік аудитке көшу жөніндегі іс-шаралар шеңберінде өткізілді.
Семинарға Есеп комитетінің, бірқатар облыстардың, Алматы қаласының тексеру комиссияларының, сыртқы істер, ұлттық экономика, инвестициялар және даму, қаржы министрліктерінің ішкі бақылау қызметтерінің қызметкерлері қатысты. Лекторлар ретінде Нидерланды Корольдігі Есеп сотының жетекші мамандары дәріс оқыды.
Тыңдаушылар Нидерланды мемлекеттік аудитжүйесімен, сыртқы және ішкі аудит органдарының өзара іс-қимыл, сондай-ақ жоғары аудит органдарының (ISSAI) халықаралық стандарттарын қолдану тәжірибесімен танысты.
Есеп сотының лекторлары қаржылық есептілік және тиімділік аудитінің сапасына бақылау жүргізу әдіснамасына толығырақ тоқталып өтіп, өз елін мысалға ала отырып аудит сапасына бақылау жүргізуге қазіргі заманғы тәсілдерді ұсынды. Сонымен қатар, аудитті жоспарлау кезіндегі тәуекелдерді бағалау бойынша шеберлік-сыныбын өткізді.
Семинар аяқталған соң өткен материалды меңгеру мәніне тестілеуден табысты өткен қатысушыларға сертификаттар тапсырылды.
Нидерландының Есеп соты Нидерландының жоғары аудит органы болып табылады. 1814 жылы құрылған. Есеп сотының Президенті басқаратын Есеп соты кеңесі Нидерланды Өкілдері палатасының ұсынысы бойынша Корольдік Жарлықпен өмір бойына тағайындалатын үш мүшеден тұрады.
Баспасөз қызметі
16.09.2015
- Толығырақ
Есеп комитетінде мемлекеттік қаржылық бақылау органдары қызметкерлерінің біліктілігін арттыру үшін Нидерланды Корольдігінен келген жоғары қаржы бақылау органы сарапшыларымен кездесу өтті
Кездесу барысында тараптар Қазақстан мен Нидерланды жоғары қаржы бақылау органдарының арасындағы байланысты нығайтуға мүдделі екендіктерін білдіріп, келешектегі әріптестік мәселелерін талқылады.
Қазіргі кезде Есеп комитетінің шет елдердің озық тәжірибелерін ескере отырып, халықаралық стандарттарға сәйкес мемлекеттік қаржылық бақылау жүйесін мемлекеттік аудитке көшіру бойынша ауқымды жұмыс жүргізіп жатқаны атап өтілді.
Осыған байланысты, голландық әріптестер тиімділік, сәйкестiк, қаржылық есептілік аудитін жоспарлау және жүргізу тәжiрибелерімен бөлісті, сондай-ақ аудиторлардың біліктілігін арттыру және сертификаттау мәселелеріне тоқталды.
Кездесу соңында тараптар өзара мүддені білдіретін мәселелер бойынша жемісті ынтымақтастыққа сенім білдірді.
Нидерланды Есеп соты Нидерландының жоғары аудит органы болып табылады. 1814 жылы құрылған. Есеп сотының Президенті басқаратын Есеп соты кеңесі Нидерланды Өкілдері палатасының ұсынысы бойынша Корольдың Жарлығымен өмір бойына тағайындалатын үш мүшеден тұрады.
Есеп комитетінің баспасөз қызметі
03.07.2015 Есеп комитетінің Астана күніне арналған мерекелік жиналысы өтті
- Толығырақ
Есеп комитетінің Астана күніне арналған мерекелік жиналысы өтті
Есеп комитетінің Төрағасы Қозыкөрпеш Жаңбыршин ұжымды алдағы келе жатқан мерекемен құттықтап, денсаулық, кәсіби табыстар мен жаңа жетістіктер тіледі.
«1997 жылы Мемлекет басшысының астананы көшіру туралы қабылдаған тарихи шешімі халқымыздың өмірінде жаңа дәуірді ашты, еліміздің экономикасының көтерілуі мен қоғамның рухани өркендеуінің символына айналды», - деді Қозыкөрпеш Жаңбыршин.
Жоғары қаржы бақылау органының басшысы Астананың бірегей табысты жоба, Ұлт көшбасшысы Н.Ә. Назарбаевтың туындысы екенін атап өтті.
«Тек Мемлекет басшысының, оның даналығы, ерік-жігері мен батылдығының арқасында ғана Астана Еуразияның маңызды саяси, экономикалық, мәдени және ғылыми білім беру орталығына, әлемдік деңгейдегі іс-шараларды өткізетін орынға айналды», - деді Есеп комитетінің Төрағасы.
«Бүгін Қазақстанның астанасы – Президентіміздің жүзеге асқан арманына айналған, әлемнің ең озық, қарқынды және әдемі қалаларының бірі, барлық қазақстандықтардың мақтанышы болып табылады», - деп қорытындылады Қ. Жаңбыршин.
Салтанатты іс-шара барысында Есеп комитетінің және «Қаржылық бұзушылықтарды зерттеу жөніндегі орталығы» РМК-нің бірқатар қызметкерлері мемлекеттік қызметті дамытуға қосқан елеулі үлесі үшін –Мемлекеттік қызмет істері және сыбайлас жемқорлыққа қарсы іс-қимыл агенттігінің «Үздік мемлекеттік қызметші» төсбелгісімен, мемлекеттік қаржылық бақылаудың жоғары органының рөлін нығайтуға жәрдемдесудегі жоғары жетістіктері, қаржылық бұзушылықтардың алдын алу, жолын кесу және анықтаудағы белсенді қызметі үшін – «Қаржы бақылау саласының үздігі» төсбелгісімен және Есеп комитеті Төрағасының құрмет грамоталарымен марапатталды.
Есеп комитетінің баспасөз қызметі
01.07.2015 Есеп комитетінде Сыртқы мемлекеттік қаржылық бақылау органдары үйлестіру кеңесінің кезекті отырысы өтті
- Толығырақ
Есеп комитетінде Сыртқы мемлекеттік қаржылық бақылау органдары үйлестіру кеңесінің кезекті отырысы өтті
Үйлестіру кеңесінің жұмысына Қаржы министрлігінің өкілдері, облыстардың, Астана және Алматы қалаларының тексеру комиссияларының төрағалары қатысты.
Отырысқа қатысушылар мемлекеттік қаржылық бақылау органдарының өзара іс-қимылының тиімділігін арттыру мәселесін талқылады.
Есеп комитетінің Төрағасы Қозыкөрпеш Жаңбыршиннің айтуы бойынша, Есеп комитеті Мемлекеттік қаржылық бақылау органдарының өзара іс-қимылы қағидаларын өзекті ету бойынша ұсыныстар әзірлеген.
Атап айтқанда, Қаржы министрлігі Қаржылық бақылау комитеті испекцияларының тексеру комиссияларымен өзара іс-қимылы процесін нақтылау, бақылау (аудит) нәтижелерін өзара тану тетігін регламенттеу, бірлесіп жүргізілген бақылау іс-шараларының қорытындысы бойынша материалдарды ресімдеудегі олқылықтарды жою ұсынылып отыр.
Қатысушылар жергілікті бюджеттің атқарылуына сыртқы мемлекеттік қаржылық бақылауды жүзеге асыратын тексеру комиссияларының қызметіндегі өзекті проблемаларға айрықша назар аударды.
Есеп комитетінің Төрағасы стратегиялық және бағдарламалық құжаттардың орындалуына бақылауды күшейту, жергілікті бюджет шығыстарының бақылаумен қамтылуын ұлғайту, бюджетке қаражаттың толық көлемде қайтарылуына қол жеткізу, тексеру комиссияларының қызметін автоматтандыру деңгейін арттыру талап етілетінін атап өтті.
Қ. Жаңбыршиннің айтуынша, қажетті ақпаратпен жедел алмасуға қаржы, ұлттық экономика министрліктерінің, сондай-ақ басқа да мүдделі мемлекеттік органдардың ақпараттық жүйелерімен интеграцияланған Есеп комитетінің құрып отырған ақпараттық жүйесі ықпал ететін болады.
Отырыс қорытындысы бойынша мемлекеттік қаржылық бақылау органдары қызметінің тиімділігін арттыруға, олардың конструктивтііс-қимылын ұйымдастыруға, сондай-ақ Үйлестіру кеңесінің қызметін одан әрі жетілдіруге бағытталған бірқатар нақты шешімдер қабылданды.
Сыртқы мемлекеттік қаржылық бақылау органдарының үйлестіру кеңесі Есеп комитетінің жанындағы консультативтік-кеңесші орган болып табылады. Кеңес қызметінің мақсаты анағұрлым өзекті проблемаларды алқалық талқылау арқылы жұмысты ұйымдастырудың бірыңғай принциптері мен әдіснамасы негізінде өзара тиімді іс-қимыл жасауға ықпал ету болып табылады. Кеңес құрамына Есеп комитетінің Төрағасы мен екі мүшесі, облыстардың, Алматы және Астана қалаларының тексеру комиссияларының төрағалары кіреді.
Есеп комитетінің баспасөз қызметі
Тағы мақалалар...
- 24.06.2015 Есеп комитеті Қазақстан Республикасы Мемлекеттік қызметші күніне арналған веложарыс өткізді
- 18.06.2015 Есеп комитетінің Төрағасы Қозыкөрпеш Жаңбыршин Ресей Федерациясы Есеп палатасының Төрайымы Татьяна Голиковамен кездесті
- Сенатта Үкіметтің және Есеп комитетінің есептері таныстырылды
- 14.05.2015