Бас бет12.05.2016
- Толығырақ
Есеп комитетінің мүшесі Айгүл Мұхаметкәрімнің басшылығындағы Есеп комитетінің делегациясы Швецияның жоғары мемлекеттік аудит органына (Ұлттық аудит офисі) жұмыс сапарымен барып қайтты
Сапар барысында Швецияның бас аудиторы Маргарета Абергпен кездесу өтті. Жұмысты ұйымдастыру және жоспарлау, мемлекеттік аудит жүргізу, бұзушылықтарды алдын алу және анықталған кемшіліктерді жою жөнінде тиісті ұсынымдар әзірлеу мәселелері талқыланды.
Жоғары мемлекеттік аудит органдарының халықаралық стандарттарына сәйкес тиімділік және қаржылық есептілік аудитін жүргізу мәселелері бойынша білім және тәжірибені сындарлы алмасу жүзеге асырылды.
Есеп комитетінің делегациясы мемлекеттік аудиторлардың біліктілігін арттыру және оларды сертификаттау, құқық қорғау органдарымен және сыртқы аудит органдарымен өзара іс-қимыл жасау тәжірибесімен танысты.
Қазақстанның Есеп комитетінің мүшесі Айгүл Мұхаметкәрім қаржылық есептілік аудитін және тиімділік аудитін жүргізу, сондай-ақ ISSAI халықаралық стандарттарын енгізу мәселелері бойынша Есеп комитетінің қызметкерлерін оқыту үшін Швецияның сарапшыларын тартудың Қазақстан мен Швеция жоғары мемлекеттік аудит органдарының өзара іс-қимылының басты бағыты болуы мүмкін екенін атап өтті. Айгүл Мұхаметкәрім түсіндіргендей, бұл Қазақстанда мемлекеттік аудиторларды сертификаттаудың тәуелсіз жүйесін енгізуге байланысты өте өзекті болып отыр.
Сондай-ақ, делегация Швеция Парламентіне (Риксдаг) сапармен барып қайтты, сапар барысында Парламентінің Қаржы және бюджет комитетінің басшылығымен кездесу өткізіліп, Ұлттық аудит офисінің Парламентпен өзара іс-қимылының шведтік тәжірибесі, сондай-ақ қызмет және жүргізілген аудит нәтижелері туралы жылдық есепті дайындау және Парламентке ұсыну мәселелері талқыланды.
Тараптар сапар соңында Қазақстан мен Швеция жоғары мемлекеттік аудит органдарының арасындағы екі жақты өзара іс-қимылдың екіжақты негізде де, халықаралық ұйымдар қызметінің шеңберінде де одан әрі нығаюына сенім білдірді.
Ұлттық аудит офисі (ҰАО) – Швецияның жоғары мемлекеттік аудит органы, Швеция Парламентіне есеп береді, Парламент 7 жыл мерзімге тағайындайтын үш бас аудитор басқарады.
ҰОА қызметінің негізгі бағыттары – қаржылық есептілік, тиімділік және республикалық бюджеттің шоғырландырылған қаржылық есептілігі аудиттері.
Есеп комитетінің баспасөз қызметі
03.05.2016
- Толығырақ
Төраға Қозыкөрпеш Жаңбыршиннің басшылық етуімен Есеп комитетінің делегациясы Жапонияның жоғары мемлекеттік аудит органына (Аудиторлар палатасына) жұмыс сапарымен барып қайтты
Сапар барысында Аудиторлар палатасының Президенті Терухико Кавато мырзамен кездесу өтті. Есеп комитетінің делегациясы Жапонияның жоғары мемлекеттік аудит органы қызметінің негізгі бағыттарымен танысты. Аудиторлар палатасының өкілдері жұмысты ұйымдастыру мен жоспарлау, бюджет қаражатының пайдаланылу тиімділігіне аудит жүргізу, аудиторлық іс-шаралардың сапа бақылауы бойынша қызықтыратын сұрақтарға жауап берді.
Қозыкөрпеш Жаңбыршин қазіргі уақытта Қазақстанда қаржылық бақылау жүйесінің мемлекеттік аудитке көшуі жүзеге асырылып жатқанын атап өтті. Ол: «Осыған байланысты, Аудиторлар палатасы қызметінің мемлекеттік аудитті жүргізу және аудиторлардың кәсіби деңгейін арттыру мәселелеріндегі көпжылдық тәжірибесі біздің ерекше қызығушылығымызды туғызады», - деп баса атап кетті.
Атап айтқанда, Есеп комитетінің Төрағасы Қазақстанда мемлекеттік аудиторларды сертификаттаудың тәуелсіз жүйесінің енгізіліп жатқанын хабардар етті. «Біз мемлекеттік аудитке көшу жағдайында Есеп комитеті қызметкерлерінің біліктілігін арттыру мәселелеріне ерекеше мән береміз. Сондықтан, Жапонияның Аудиторлар палатасы ұйымдастыратын, соның ішінде ИНСТОСАИ және АЗОСАИ – халықаралық аудиторлық ұйымдарының шеңберіндегі түрлі оқыту бағдарламаларына мамандарымыздың қатысуы, кадрлық әлеуетімізді күшейтуге сөзсіз оң ықпал етеді. Сондай-ақ, Қазақстанда тренингтерді, семинарларды өткізу үшін Аудиторлар палатасының мамандарын тарту біздің ведомстволарымыздың өзара іс-қимылының перспективалық бағыты бола алады», - деп атап өтті Есеп комитетінің Төрағасы.
Бұдан басқа, Қозыкөрпеш Жаңбыршин Терухико Кавато мырзаны Қазақстанның жоғары мемлекеттік аудит органына жұмыс сапарымен келіп қайтуға шақырды.
Терухико Кавато мырза өз тарапынан бұл шақыруды ризашылықпен қабылдап, практикалық тәжірибе алмасудан бастап, екі елдің экономикалық ынтымақтастығының өзекті мәселелері бойынша қатар аудиторлық іс-шараларды өткізуге дейін - ведомствоаралық өзара іс-қимылды жандандыруға дайын екендігін білдірді.
Тараптар кездесу соңында Қазақстан мен Жапонияның жоғары мемлекеттік аудит органдарының арасындағы екі жақты өзара іс-қимылдың одан әрі нығаюына сенім білдірді.
Жапонияның Аудиторлар палатасы – Жапонияның жоғары мемлекеттік аудит органы, 1869 жылы құрылған. Жапонияның Аудиторлар палатасының құрамында аудиторлық комиссиялар және Бас Атқарушылық Басқарма бар.
Жапонияның Аудиторларпалатасының Президентін комиссарлардың арасындағы дауыс беру негізінде Үкімет тағайындайды. Президент Жапонияның жоғары мемлекеттік аудит органының атынан өкілдік етіп, аудиторлық комиссияларының отырыстарында төрағалық етеді.
Есеп комитетінің баспасөз қызметі
22.04.2016
- Толығырақ
Есеп комитетінде «Мемлекеттік аудит және қаржылық бақылау туралы» Заңның нормаларын түсіндіру мәселелері бойынша дөңгелек үстел өтті
Дөңгелек үстелдің жұмысына Қаржы министрлігінің, «Атамекен»ҰКП, «Самұрық-Қазына»ҰӘҚ» АҚ», «Бәйтерек»ҰБХ» АҚ», «ҚазАгро»ҰБХ» АҚ», сондай-ақ «ҚР Аудиторлар палатасы», «Қазақстанның Аудиторлар одағы» және «Аудиторлар коллегиясы» кәсібиаудиторлық ұйымдарының өкілдері қатысты.
Есеп комитетінің Төрағасы Қозыкөрпеш Жаңбыршиннің кіріспе сөзінде іс-шараның мақсаты – мемлекеттік қаржылық бақылау жүйесінің мемлекеттік аудитке көшуін таныстыру рәсімі, мемлекеттік аудит және қаржылық бақылау туралы заңнама жаңалықтарын түсіндіру, Есеп комитетінің Қазақстанда мемлекеттік аудит жүйесінің құрылуы мен дамуындағы қызметі мен рөлін жария ету екенін атап өтті.
Дөңгелек үстелдің модераторы Есеп комитетінің мүшесі Айгүл Мұхаметкәрім болды.
Іс-шара барысында сыртқы және ішкі мемлекеттік аудит органдарында мемлекеттік аудитті енгізу мәселелері қаралды, олардың негізгі міндеттері талқыланды.
«Мемлекеттік аудит және қаржылық бақылау туралы» Заңның қабылдануына байланысты күшіне енген жаңалықтарға, атап айтқанда, квазимемлекеттік сектор субъектілеріне арнайы мақсаттағы аудит жүргізу мәселелеріне ерекше назар аударылды.
Квазимемлекеттік сектордың барлық субъектілерін қамту үшін Есеп комитеті ресурстарының жетіспеушілігіне байланысты, бюджет қаражатын пайдалану аудитін (арнайы мақсаттағы аудитті) жеке аудиторлық компаниялардың жүргізетіні атап өтілді. Есеп комитеті өз тарапынан аудиторлық ұйымдардың арнайы мақсаттағы аудитінің нәтижелеріне бақылау жүргізетін болады.
Мемлекеттік аудит және қаржылық бақылау жүйесі қызметкерлерінің біліктілігін арттыру, сертификатталған мемлекеттік аудиторлар пулын қалыптастыру мәселелері талқыланды.
Мәселен, дөңгелек үстелге қатысушылардың көзқарастары бойынша «Мемлекеттік аудит және қаржылық бақылау туралы» Заңға сәйкес мемлекеттік аудиторларды сертификаттау жүйесін енгізу тексерушілердің кәсіби деңгейін және мемлекеттік аудит органдарының қызметкерлеріне қойылатын біліктілік талаптарын арттыруға мүмкіндік береді.
Сертификаттың білімді растап, Мемлекеттік аудиторларды сертификаттау жөніндегі ұлттық комиссияның оң қорытындысы алынғаннан кейін берілетіні атап өтілді. 2016 жыл ішінде Ұлттық комиссия мемлекеттік аудит және қаржылық бақылау органдарының екі мыңға жуық қызметкерлеріне сертификаттау жүргізеді деп жоспарлануда.
Мемлекеттік аудит және қаржылық бақылау органдарының Бірыңғай ақпараттық дерекқорын құру мәселелері қаралды. Дерекқор мемлекеттік аудит және қаржылық бақылау органдарының, қадағалау және өзге де мемлекеттік органдар арасында ақпарат алмасу, сондай-ақ электронды мемлекеттік аудит жүргізу мақсатында қалыптастырылатыны атап көрсетілді. Бірыңғай дерекқорды пайдалану аудиторлық процестердің ашықтығын қамтамасыз етеді, жүргізілген аудиторлық іс-шаралардың нәтижелерін жүйелендіруге және талдауға, сондай-ақ сыбайлас жемқорлық тәуекелдерін айтарлықтай төмендетуге мүмкіндік береді.
Есеп комитетінің баспасөз қызметі
20.04.2016
- Толығырақ
Ағымдағы жылғы 21 сәуірде Есеп комитетінiң отырысы өтедi, онда «Жобаларды мемлекеттік ведомстводан тыс сараптау» ШЖҚ РМК-де мемлекет активтерінің пайдаланылуына, техникалық және кәсiптiк білім беру саласында мемлекет активтерінің басқарылуына, «Ақпаратты Қазақстан-2020» мемлекеттік бағдарламасының іске асырылуына жүргізілген мемлекеттік аудитің қорытындылары қаралады
Отырыс барысында Есеп комитетінiң «Жобаларды мемлекеттік ведомстводан тыс сараптау» ШЖҚ РМК-де, Инвестициялар және даму министрлігінің Байланыс, ақпараттандыру және ақпарат комитетінде, Білім және ғылым, Мәдениет және спорт министрліктерінде, сондай-ақ олардың бірқатар ведомстволық бағынысты мекемелерінде жүргізген аудиторлық іс-шараларының қорытындылары шығарылатын болады.
Отырысқа қатысу үшін аудит объектілерiнiң бюджет қаражатының пайдаланылуына жауапты басшылары және лауазымды адамдары шақырылды.
Есеп комитетінің баспасөз қызметі
20.04.2016
- Толығырақ
20 сәуірде Есеп комитетінің кезекті отырысы өтті
Қазақстан Республикасының денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасының, Қазақстан Республикасы Денсаулық сақтаужәне әлеуметтік дамуминистрлігінің жекелеген бюджеттік бағдарламаларының іске асырылу тиімділігінежүргізілген мемлекеттік аудиттің қорытындылары шығарылды.
Есеп комитетінің бағалауынша, Мембағдарламаның халықтың өмір сүру ұзақтығының ұлғаюы, ана мен нәресте өлім-жітімінің және жалпы өлім-жітімнің, туберкулезбен сырқаттанушылықтың төмендеуі, АИТВ-инфекциясының таралуын ұстау, қатерлі ісіктерді анықтау және қатерлі ісіктері бар науқастардың 5 жылдық өмір сүруін қамтамасыз ету бойынша барлық сегіз нысаналы инидикаторына қол жеткізілгеніне қарамастан, денсаулық сақтау жүйесінде бірқатар проблемалық мәселелер сақталып отыр.
Ұлттық скринингтік бағдарламаны іске асыру тиімділігінің төмендігі байқалады. Мәселен, профилактикалық іс-шараларды жүргізу нәтижесінде аурулардың анықталуы ересек халықтың арасында – 3,4%-ды, балалар арасында 16,4%-ды құрайды.
Медицина кадрларының тапшылығы, әсіресе ауылдық жерлердегі тапшылығы, медицина қызметкерлері санының теңсіздігі, орта және жоғары медициналық білімі бар қызметкерлердің біліктілік деңгейінің жеткіліксіздігі өзекті проблема болып қалуда.
2015 жылы медицина жоғары оқу орындарының оқытылуына 144,5 млн. теңге республикалық бюджет қаражаты жұмсалған 42 түлегі ауылдық елді мекендерде орналасқан мемлекеттік денсаулық сақтау ұйымдарында жұмыспен өтеуді қамтамасыз етпеген.
Мектеп медицинасы қызметін, мемлекеттік кәсіпорындардың корпоративтік басқару жүйесін жетілдіру бойынша нормативтік құқықтық актілер, сондай-ақ қоршаған ортаның халықтың денсаулығына әсерінің тәуекелін бағалау және саланың адами әлеуетін жетілдіру үшін кадр ресурстарын дамыту тұжырымдамалары әзірленбеген.
Министрлік денсаулық сақтау саласындағы мемлекеттік-жеке меншік әріптестіктің мүмкіндіктері мен тетіктерін толық пайдаланбаған.
Республикалық бюджеттен бөлінген 6 040,8 млн. теңге толығымен игерілгенімен, Семей қаласындағы облыстық онкологиялық диспансердің радиология орталығын салудың 3-ші кезеңі пайдалануға енгізілмеген.
Жалпы құны 11 958,3 млн. теңгенің жер учаскелерінің балансқа алынбауы Министрліктің 17 ведомстволық бағынысты ұйымында қаржылық есептіліктің бұрмалануына алып келген.
Есеп комитеті анықтаған қаржылық бұзушылықтардың жалпы сомасы аудиторлық іс-шара барысында толығымен өтелген және қалпына келтірілген 12,7 млрд. теңгені, тиімсіз пайдаланылған республикалық бюджет қаражаты – 34,6 млрд. теңгені, бюджет және өзге заңнаманың рәсімдік бұзушылықтары – 18,4 млрд. теңгені құрады.
Аудит объектілерінің лауазымды адамдарына қатысты әкімшілік іс қозғау үшін 10 материал уәкілетті органдарға жіберілді, сондай-ақ 22 лауазымды адам тәртіптік жауаптылыққа тартылды.
Отырыстың қорытындылары бойынша Қазақстан Республикасының денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасын іске асыру кезінде ұқсас кемшіліктерге жол бермеу мақсатында Үкіметке тиісті ұсынымдар берілді.
Денсаулық сақтау және әлеуметтік даму, Әділет министрліктеріне анықталған бұзушылықтарды жою жөнінде шаралар қабылдау, бюджет және өзге де заңнама талаптарының сақталуын қамтамасыз етпеген лауазымды адамдардың жауаптылығын қарау тапсырылды, сондай-ақ басқа да бірқатар тапсырмалар берілді.
Аудиттің жекелеген материалдары процестік шешімдер қабылдау үшін құқық қорғау органдарына жіберілетін болады.
Есеп комитетінің баспасөз қызметі
19.04.2016
- Толығырақ
Республикалық бюджеттің атқарылуын бақылау жөніндегі есеп комитетінің құрылуының 20 жылдығына арналған салтанатты жиын өтті
Іс-шараға Парламент Сенатының, Парламент Мәжілісінің вице-спикерлері Сергей Громов пен Гүлмира Исимбаева, Премьер-Министр Кеңсесінің Басшысы Ерлан Қошанов, Қаржы министрлігінің жауапты хатшысы Наталья Коржова, Есеп комитетінің ардагерлері, облыстардың, Астана және Алматы қалалары тексеру комиссияларының өкілдері қатысты.
Есеп комитетінің ТөрағасыҚозыкөрпешЖаңбыршин Қазақстан Республикасының Президенті – Елбасы Н.Ә. Назарбаевтың атынан келіп түскен құттықтауды оқыды.
Жоғары мемлекеттік аудит және қаржылық бақылау органының басшысы ұжымды Есеп комитетінің құрылуының 20 жылдығымен құттықтады. Ол жоғары мемлекеттік аудит және қаржылық бақылау органының қалыптасуы мен дамуының негізгі кезеңдеріне тоқталып өтті.
Қозыкөрпеш Жаңбыршин Есеп комитеті «Республикалық бюджеттiң атқарылуын бақылау жөнiндегi есеп комитетi туралы ереженi бекiту туралы» Қазақстан Республикасы Президентiнiң 1996 жылғы 19 сәуірдегі Жарлығына сәйкес құрылғанын атап өтті.
Есеп комитеті Төрағасының айтуынша, Елбасының әрдайым көрсеткен қолдауы мен ықыласының арқасында өткен 20 жыл ішінде бюджет қаражатын алушылардың қаржылық тәртібін нығайту, мемлекеттік аудиттің және қаржылық бақылаудың тиімді отандық жүйесін құруға бағытталған үлкен ұйымдастырушылық, талдамалық, бақылау жұмысы жүргізілген. Әлемдік аудиторлық қоғамдастықпен байланыс жолға қойылып, белсенді түрде дамуда.
Қозыкөрпеш Жаңбыршин, жалпы алғанда, Есеп комитеті өткен 20 жыл ішінде 734 бақылау іс-шарасын жүргізіп, 6064 объектіні тексергенін хабардар етті. Бақылаумен қамтылған бюджет қаражаты мен мемлекет активтерінің көлемі 26,0 трлн.-нан астам теңгені құраған. Жалпы сомасы 4,0 трлн.-нан астам теңгеге қаржылық бұзушылықтар анықталған. Бюджетке 316,0 млрд.-тан астам теңге қалпына келтірілген. Бұл ретте, Есеп комитетін ұстауға осы кезеңде 9 млрд.-тан сәл астам теңге жұмсалған. Екі онжылдық ішінде жүргізілген бақылау іс-шараларының нәтижелері бойынша Үкіметке және бақылау объектілеріне 2254 ұсыным мен тапсырма жіберілген.
Жиын шеңберінде Парламенттің, Үкіметтің, Қаржы министрлігінің, тексеру комиссияларының өкілдері және Есеп комитетінің ардагерлері құттықтау сөз сөйледі.
Сонымен қатар, мемлекеттік аудит пен қаржылық бақылаудың отандық жүйесін дамытуға және жетілдіруге ықпал еткен Есеп комитетінің қызметкерлері мен ардагерлеріне, бірқатар мемлекеттік органдардың өкілдеріне ведомстволық наградаларды табыс ету рәсімі өтті.
Есеп комитетінің баспасөз қызметі
18.03.2016
- Толығырақ
Есеп комитетінде Наурыз мейрамына арналған іс-шара өтті
Есеп комитетінің Төрағасы Қозыкөрпеш Жаңбыршин ұжымды көктемгі жаңару, бейбітшілік және келісім мерекесімен құттықтап, барлығына бақыт, амандық, денсаулық пен игілік тіледі.
Қозыкөрпеш Жаңбыршин Наурыз түрлі ұлт өкілдерінің арасында өзара түсіністікті нығайтуға, сондай-ақ достықты және қоғамдық келісімді сақтауға сеп болатын татулық күні ретінде Қазақстан үшін ерекше маңызды екенін атап өтті.
Іс-шараның барысында мемлекеттік аудит және қаржылық бақылаудың жоғары органының басшысы Есеп комитеті және «Қаржылық бұзушылықтарды зерттеу жөніндегі орталық» РМК қызметкерлерінің арасында өткізілген мини-футбол, үстел теннисі және волейбол бойынша сайыстардың жеңімпаздарына жүлделер мен дипломдарды тапсырды.
Кеш соңында Есеп комитетінің қызметкерлері жекелеген ұлттық салт-дәстүрлерден көріністер және концерттік нөмірлер көрсетті.
Eсеп комитетінің баспасөз қызметі
25.02.2016
- Толығырақ
Ағымдағы жылғы 26 ақпанда Есеп комитетінде Мемлекеттік аудит және қаржылық бақылау органдарының үйлестіру кеңесінің бірінші отырысы өткізіледі
Үйлестіру кеңесінің жұмысына Президент Әкімшілігінің, Бас прокуратураның, қаржы және ұлттық экономика министрліктерінің,орталық және жергілікті атқарушы органдардан ішкі аудит қызметтерінің өкілдері, облыстардың, Астана және Алматы қалаларының тексеру комиссияларының төрағалары қатысады.
Отырыс барысында мемлекеттік аудитті енгізу,сыртқы және ішкі мемлекеттік аудит және қаржылық бақылау органдары қызметкерлерінің біліктілігін арттыру, мемлекеттік аудиторларды сертификаттауды ұйымдастыру, мемлекеттік аудит және қаржылық бақылау органдарының бірыңғай ақпараттық дерекқорын құру мәселелерін талқылау жоспарлануда.
Бұған қоса, Үйлестіру кеңесінің 2016 жылға арналған жұмыс жоспары қаралатын болады.
Есеп комитетінің баспасөз қызметі
24.02.2016
- Толығырақ
Елбасы Есеп комитетінің төрағасы Қозы-Көрпеш Жаңбыршинді қабылдады
Қ.Жаңбыршин Мемлекет басшысына Есеп комитетінің 2015 жылғы жұмысының негізгі нәтижелері, бюджет қаражатын жоспарлау мен пайдалануда үнемі кездесетін проблемалар, сондай-ақ алдағы кезеңге арналған міндеттер туралы баяндады.
Қазақстан Президенті былтыр қабылданған «Мемлекеттік аудит және қаржылық бақылау туралы» заңның жүзеге асырылуын және мемлекеттік аудитке тиімді түрде көшуді қамтамасыз етуді тапсырды. Нұрсұлтан Назарбаев бұған қажетті жағдайлар жасалғанын, Комитет мәртебесі көтеріліп, мақсаттарының аясы кеңейтілгенін, тиісті мамандарды қайта даярлау жүргізіліп жатқанын айтты.
Сонымен қатар, Мемлекет басшысы аудиттің қаржы мәселелерін ғана емес, орган қызметінің тиімділігін барлық бағытта бағалауды да қамтуы тиістігіне назар аударды.
Қ.Жаңбыршин былтыр Есеп комитеті 303 нысанда 29 бақылау шарасы жүргізгенін мәлімдеді. Анықталған қаржылық заң бұзушылықтар құнының көлемі 2014 жылмен салыстырғанда 3 есе ұлғайып, 1,3 триллион теңге болған. Бақылау шараларының нәтижесі бойынша орны толтырылуға тиіс 128,8 миллиард теңгенің 87,2 миллиард теңгесі өтелген.
Есеп комитетінің төрағасы жүргізілген тексерулер мен бақылау-талдау шаралары қорытындысы бойынша Үкіметке және басқа да бақылау нысандарына 46 ұсыным мен 180 тапсырма жолданғанын айтты. Бұл орайда ұсынымдар мен тапсырмалардың орындалуы тиісінше 98% және 95,8% болды.
Қ.Жаңбыршин бюджеттік және басқа заңнамаларды бұзғаны үшін 75 заңды тұлға және 66 лауазымды тұлға әкімшілік жауапкершілікке, 271 лауазымды тұлға тәртіптік жауапкершілікке тартылғанын атап өтті. Құқық қорғау органдарына бақылау шараларына қатысты 40 материал берілді.
Есеп комитетінің төрағасы Астана және Алматы қалаларының, сондай-ақ облыстардың ревизиялық комиссияларының 2015 жылғы қызметінің негізгі нәтижелері туралы да баяндады.
Мемлекет басшысы кездесу қорытындысы бойынша мемлекеттік аудит және қаржылық бақылау органдары қызметін жетілдіру жөнінде бірқатар нақты тапсырма берді.
ҚР Президентінің баспасөз қызметі
11.02.2016
- Толығырақ
2016 жылғы 11 ақпанда Есеп комитетінің кезекті отырысы өтті
Ақмола, Қарағанды, Оңтүстік Қазақстан облыстары және Астана қаласы бойынша тексеру комиссияларында Мемлекеттік қаржылық бақылау стандарттары талаптарының сақталуын бақылау бойынша мемлекеттік аудит жүргізудің қорытындысы шығарылды.
2011 жылы облыстардың, Астана және Алматы қалаларының тексеру комиссиялары құрылғаннан бері олардың қызметінің тиімділігін арттыру және мемлекеттік басқару жүйесіндегі рөлін нығайту бойынша ауқымды жұмыстардың атқарылғаны атап өтілді. Тексеру комиссияларының жұмыс істей бастағанына аз уақыт болғанына қарамастан, олар жергілікті жерлердегі сыртқы мемлекеттік аудиттің және қаржылық бақылаудың толыққанды тәуелсіз органдары болып қалыптасты және олардың қызметтері нәтижелі болып отыр. Сонымен қатар, аудит нәтижесі көрсеткендей, тексеру комиссияларының жұмысында жекелеген кемшіліктер орын алған.
Атап айтқанда, аталған өңірлердің тексеру комиссиялары Мемлекеттік қаржылық бақылау стандарттарының және Сыртқы мемлекеттік қаржылық бақылауды жүргізу қағидаларының бірқатар бұзушылықтарына жол берген.
Бақылаушылардың жұмыс жоспарларында көзделген мәселелердің бақылау актілерінде толық көрсетілмеу, анықталған бұзушылықтар мен кемшіліктерді растайтын құжаттардың тиісінше ресімделмеу немесе олардың болмау, объектіні тексеру актісімен таныстыру тәртібінің бұзылу фактілері анықталды.
Ақмола, Қарағанды облыстары және Астана қаласы бойынша тексеру комиссиялары жергілікті атқарушы органға, мемлекеттік жоспарлау жөніндегі уәкілетті органға аумақтарды дамыту бағдарламаларын және жергілікті атқарушы органдардың стратегиялық жоспарларын бағалау қорытындыларын жібермеген.
Ақмола облысы бойынша тексеру комиссиясы тиімділікке бақылау жүргізу кезінде мемлекеттік орган және квазимемлекеттік сектор субъектілері қызметінің экономиканың дамуына, әлеуметтік салаға, мемлекеттік басқарудың басқа да салаларына ықпал етуіне кешенді талдау жасамаған.
Астана қаласы бойынша тексеру комиссиясы «Дәлел» стандартын бұза отырып, бірқатар жағдайларда көрсетілген бұзушылықтарды растайтын құжаттарды бақылау актісіне тіркемеген.
Оңтүстік Қазақстан облысы бойынша тексеру комиссиясы жекелеген жағдайларда әкімшілік құқық бұзушылық туралы заңнамада жауаптылық көзделмеген бұзушылық фактілері бойынша әкімшілік іс жүргізуді қозғаудың қажеттілігі туралы сараптамалық қорытындылар жасаған.
Аталған өңірлердің тексеру комиссияларының 13 лауазымды адамы Стандарттар мен Қағидалар талаптарының бұзылуына жол бергені үшін қабылдаған шараларға сай тәртіптік жауаптылыққа тартылған.
Есеп комитеті тексеру комиссияларының қызметін жетілдіру және жұмыс тиімділігін арттыру, олардың мемлекеттік аудитті және қаржылық бақылауды жүргізуі кезінде бұзушылықтар мен кемшіліктерді болдырмау мақсатында оларда Стандарттар талаптарының сақталуына бақылау жүргізетіні атап өтілді.
Отырыстың қорытындысы бойынша Есеп комитеті Ақмола, Қарағанды, Оңтүстік Қазақстан облыстары және Астана қаласы бойынша тексеру комиссияларына мемлекеттік аудит және қаржылық бақылау саласындағы заңнаманың талаптарын мүлтіксіз сақтау бойынша шаралар қабылдау жөнінде ұсынымдар берді.
Есеп комитетінің баспасөз қызметі