Бас бетМемлекет басшысы Жоғары аудиторлық палатаның төрағасы Әлихан Смайыловты қабылдады
- Толығырақ
Кездесу барысында мемлекеттік аудит және қаржылық бақылау жүйесінің тиімділігін одан әрі арттыру мәселелері талқыланды.
Президент Жоғары аудиторлық палатаға бюджет қаражаты мен мемлекет активтерінің тиімді және рационалды жұмсалуын республикалық, сондай-ақ жергілікті деңгейде қатаң бақылауды қамтамасыз ету міндеті жүктелетінін айтты.
Өз кезегінде Әлихан Смайылов мемлекеттік аудит жүйесін одан әрі дамыту жөніндегі ой-пікірін жеткізді, сондай-ақ ведомствоның осы жылға арналған жоспары туралы баяндады.
Кездесу соңында Қасым-Жомарт Тоқаев Әлихан Смайыловтың мол тәжірибесі мен кәсіби біліктілігі жүктелген міндетті сапалы орындауға септігін тигізетініне сенім білдірді.
Қазақстан Республикасы Президентінің баспасөз қызметі
Дереккөз – https://www.gov.kz/memleket/entities/esep/press/news/details/741287?lang=kk
Әлихан Смайылов Қазақстан Республикасы Жоғары аудиторлық палатасының Төрағасы болып тағайындалды
- Толығырақ
Мемлекет басшысының Жарлығымен Әлихан Асханұлы Смайылов Қазақстан Республикасы Жоғары аудиторлық палатасының Төрағасы болып тағайындалды.
Әлихан Асханұлы Смайылов 1972 жылы 18 желтоқсанда Алматы қаласында дүниеге келген. 1994 жылы әл-Фараби атындағы Қазақ ұлттық университетін қолданбалы математика мамандығы бойынша, 1996 жылы Қазақстан Республикасы Президенті жанындағы Қазақстан менеджмент, экономика және болжау институтын «Мемлекеттік басқару магистрі» мамандығы бойынша бітірген.
1993-1999 жылдары «А-Инвест» инвестициялық жекешелендіру қорында; Ұлттық статистика агенттігі; Статистикалық жоспарлау және реформалар агенттігінің Статистика және талдау комитеті төрағасының орынбасары; Президент Әкімшілігінің мемлекеттік инспекторы болып жұмыс істеді.
1999-2003 жылдары Статистика агенттігінің төрағасы қызметін атқарды.
2003 жылы Қазақстанның Сыртқы істер вице-министрі болып жұмыс істеді.
2003 жылдан 2006 жылға дейін – «Экспорттық кредиттер мен инвестицияларды сақтандыру жөніндегі мемлекеттік сақтандыру компаниясы» АҚ басқарма төрағасы.
2006-2009 жылдары Қазақстан Қаржы министрінің орынбасары қызметін атқарды, «Қазагро» ұлттық холдингі» АҚ президенті болды.
2009-2014 жылдары Қазақстан Республикасының Статистика агенттігін басқарды.
2014-2015 жылдары – Қазақстанның Ұлттық экономика министрлігі Статистика комитетінің төрағасы.
2015-2018 жылдары Қазақстан Республикасы Президентінің көмекшісі болып жұмыс істеді.
2018 жылғы қыркүйектен 2019 жылғы ақпанға дейінҚазақстан Республикасының Қаржы министрі қызметін атқарды.
2019 жылғы 25 ақпанда – Қазақстанның Премьер-Министрінің бірінші орынбасары – Қаржы министрі болып тағайындалды.
2020 жылғы 18 мамырда – Қазақстан Премьер-Министрінің бірінші орынбасары, 2021 жылғы 18 қаңтарда осы лауазымға қайта тағайындалды.
2022 жылғы 11 қаңтардан 2024 жылғы 5 ақпанға дейін –Қазақстан Республикасының Премьер-Министрі.
Жоғары аудиторлық палатаның баспасөз қызметі
Дереккөз – https://www.gov.kz/memleket/entities/esep/press/news/details/740036?lang=kk
Жоғары аудиторлық палатаның делегациясы ClimateScanner жаһандық бастамасы конференциясына қатысуда
- Толығырақ
2024 жылғы 25-26 наурызда Төраға Наталья Годунова бастаған Қазақстан Республикасы Жоғары аудиторлық палатасының делегациясы Нью-Йорк қаласында (АҚШ) «ClimateScanner Global Challenge*: климаттың өзгеруі саласындағы ұлттық іс-қимылдарды жоғары аудиторлық органдарды бағалауға тарту» тақырыбындағы конференцияға қатысуда.
Конференцияға жоғары аудит органдарының басшылары (ЖАО), БҰҰДБ, Дүниежүзілік банк, Америкааралық даму банкі, зерттеу институттарының өкілдері, сондай-ақ ИНТОСАИ қауымдастығының мүшелері қатысады.
Іс-шара Біріккен Ұлттар Ұйымының Экономикалық және әлеуметтік мәселелер департаментімен және Бразилияның Федералдық есеп сотымен бірлесіп ұйымдастырылды.
Конференцияның мақсаты – климатты, қаржыны басқару және мемлекеттік саясатты жақсартуға ЖАО-ның үлесі мен ықпалын күшейту жолдарын талқылау. Негізгі мақсаты – ұлттық және халықаралық деңгейде климаттық дағдарысты еңсеруге көмектесетін ClimateScanner бастамасын іске асыруға ЖАО мен басқа да мүдделі тараптарды тарту.
2024 жыл халықаралық аудит қауымдастығы үшін маңызды жыл. ClimateScanner бастамасының бір бөлігі ретінде бүкіл әлем бойынша ЖАО бір уақытта климаттың өзгеруі саласында үкіметтің іс-қимылына бағалау жүргізеді. Бұл климат саласында іс-қимыл үшін есеп беруді арттыру жөніндегі жаһандық қозғалыстың басталуын білдіреді.
Шара барысында ҚР ЖАП Төрағасы Наталья Годунова Бразилия, Португалия, Үндістан, Литва, Әзірбайжан ЖАО басшыларымен, сондай-ақ Қытай мен АҚШ-тың ЖАО өкілдерімен екіжақты кездесулер өткізді.
*ClimateScanner – - климаттың өзгеруіне байланысты үкіметтің іс-қимылын бағалауға бағытталған ИНТОСАИ экологиялық аудит жөніндегі жұмыс тобымен (ЭАЖТ) бірлесіп Бразилияның Федералдық есеп соты (БФЕС) басқаратын жаһандық бастама.
Жоғары аудиторлық палатаның баспасөз қызметі
Дереккөз – https://www.gov.kz/memleket/entities/esep/press/news/details/734078?lang=kk
Жоғары аудиторлық палатаның делегациясы 2024 жылғы Дүниежүзілік үкіметтік саммитіне қатысты Дереккөз – Қазақстан Республикасының Жоғары аудиторлық палатасы @ Көшіру кезінде дереккөз сілтемесін пайдаланыңыз.
- Толығырақ
Төраға Наталья Годунова бастаған Жоғары аудиторлық палатаның делегациясы 12 – 14 ақпан аралығында Біріккен Араб Әмірліктерінде (БАӘ) өткен 2024 жылғы Дүниежүзілік үкіметтік саммитіне қатысты.
Дүниежүзілік үкіметтік саммиті – халықаралық деңгейде мемлекеттік органдардың бірінші басшыларының қатысуына арналған бірегей алаң және «Болашақ үкіметтерді қалыптастыру» тақырыбына арналған.
2024 жылғы Саммиттің негізгі тақырыптары: үкіметтерді жеделдету және трансформациялау мақсатында цифрлық технологияларды енгізудің мүмкіндіктері мен проблемалары; жасанды интеллект және қоғам үшін салдары; экономиканың өсуі мен дамуы үшін жаңа мүмкіндіктер жасаудағы жаңа технологиялар, бизнес-модельдер және әлеуметтік үрдістер; жаңа ұрпақ және білім беру; орнықты даму және ұзақ мерзімді өркендеу; урбандалу және денсаулық сақтау саласындағы жаһандық басымдықтар.
Іс-шара барысында Египет, Зимбабве, Кения Республикасы, Марокко, Мадагаскар Республикасы, Мальдив Республикасы, Маврикий Республикасы, БАӘ, Руанда Республикасы, Түркия Республикасы, Сейшель аралдары Республикасының президенттері, сондай-ақ БҰҰ және басқа да халықаралық ұйымдардың өкілдері сөз сөйледі.
Саммит аясында мемлекеттік ресурстарды қорғаудағы жоғары аудит органдары (ЖАО) мен сыбайлас жемқорлыққа қарсы органдардың рөлі, сондай-ақ осы саладағы институционалдық серіктестікті нығайту тетіктеріне арналған сессия өтті.
Басты назар мемлекеттік ресурстарды қорғаудағы және адалдық, есептілік және ашықтық құндылықтарын ілгерілетудегі жоғары аудит органдарының рөлімен байланысты озық практикаға аударылды.
Сессияда Марокко Есеп палатасының бірінші төрағасы, Мысырдың Әкімшілік бақылау органының төрағасы, Біріккен Ұлттар Ұйымының Есірткі және қылмыс жөніндегі басқармасының сыбайлас жемқорлыққа және экономикалық қылмысқа қарсы күрес секторының басшысы және Оңтүстік Африканың Бас аудиторы сөз сөйледі.
Бұдан басқа, мемлекеттік аудит саласындағы ынтымақтастықты одан әрі нығайту және дамыту мақсатында Наталья Годунованың БАӘ Есептілік басқармасының президентімен екіжақты кездесуі өтті. «Мемлекеттік аудит жүйесін трансформациялау аясында бізді БАӘ ЖAО-ның INTOSAI белсенді мүшесі, сондай-ақ мемлекеттік аудитті сәтті жүзеге асыратын институт ретінде көп жылдық тәжірибесі қызықтырады. Атап айтқанда, тиімділік аудиті, қаржылық есептілік аудиті, электрондық аудит және аудиторлардың біліктілігін арттыру саласы ерекше қызығушылық тудырады», деп атап өтті Қазақстан ЖАО басшысы.
Сонымен қатар 14 ақпанда Саммит аясында Түркия есеп сотының басшысы Метин Йенер мырзамен тең дәрежедегі тексеру мәселелері бойынша екіжақты жұмыс кездесуі өтті.
Жоғары аудиторлық палатаның баспасөз қызметі
Дереккөз – https://www.gov.kz/memleket/entities/esep/press/news/details/706102?lang=kk
Жоғары аудиторлық палатада мемлекеттік тілде «Кітап оқу жарысы» онлайн-байқауы өтті
- Толығырақ
Қазақстан Республикасында тіл саясатын дамытудың 2023 – 2029 жылдарға арналған тұжырымдамасын іске асыру шеңберінде Жоғары аудиторлық палатаның және «Зерттеулер, талдау және тиімділікті бағалау орталығы» ЖШС-ның жұмыскерлері арасында а.ж. 3 – 10 ақпан аралығында «Кітап оқу жарысы» онлайн-байқауы өткізілді.
Байқаудың мақсаты – жұмыскерлер арасында қазақ тілінде кітап оқуды насихаттау, ынталандыру, тілдік ортаны дамыту мен құру, мемлекеттік тілдің беделін арттыру, қолданылу салаларын кеңейту.
3 кезеңнен тұратын байқау мемлекеттік тілде онлайн форматта өтті. Жарысқа қатысушыларға Несіпбек Дәуітайұлының «Архитектор», Темірғали Көпбайдың «Құлаққаптың қасіреті», Тынымбай Нұрмағанбетовтың «Қар астындағы ауыл» атты шығармалары оқуға берілді. Әр кезеңнің соңында оқылған кітап бойынша онлайн форматта тестілеу өткізілді.
Конкурсқа барлығы 25 жұмыскер қатысты. Байқаудың қорытындысы бойынша 1-орынға – Гүлнаурыз Дәулетова, 2-орынға – Ажар Қожахметова, 3-орынға – Ақбота Нұрсұлтанова ие болды. Жеңімпаз бен жүлдегерлер дипломдармен және сыйлықтармен марапатталды.
Жоғары аудиторлық палатаның баспасөз қызметі
Дереккөз – https://www.gov.kz/memleket/entities/esep/press/news/details/704948?lang=kk
Жоғары аудиторлық палатада макроэкономикалық талдау мәселелері бойынша семинар өтті
- Толығырақ
2024 жылғы 5-6 ақпанда Қазақстан Республикасының Жоғары аудиторлық палатасында (ЖАП) Дүниежүзілік банктің ел менеджерінің міндетін атқарушы Янина Ермакова мен Халықаралық валюта қорының (ХВҚ) Кавказдағы, Орталық Азия аймағындағы және Моңғолиядағы Өңірлік әлеуетті дамыту орталығының директоры Норберт Функе мырзаның жетекшілігімен Дүниежүзілік банк пен ХВҚ-ның Өңірлік әлеуетті дамыту орталығының командасы ұйымдастырған макроэкономикалық талдау мәселелері бойынша семинар өтті.
Семинарда ЖАП қызметкерлері макроэкономикалық талдаудың әдіснамасы мен практикасымен танысты, сондай-ақ Дүниежүзілік банк пен ХВҚ-ның Қазақстан бойынша есептерін қарады. Шара барысында жиналғандар макроэкономикалық талдаудың теориялық аспектілерін талқылап қана қоймай, сонымен қатар өз білімдерін іс жүзінде қолдануға мүмкіндік алды.
«Макроэкономикалық талдау тақырыбы біздің еліміздің контекстінде маңызды орын алады. Бұл тақырыпты таңдау кездейсоқ емес, өйткені біз оның қазіргі жағдайда өте өзекті екеніне және экономикалық процестерді бағалаудағы маңызды рөліне сенімдіміз. Сонымен қатар, Жоғары аудиторлық палата жыл сайын жүргізетін тиімділік аудитінің шеңберіндегі салық және бюджет саясатын бағалау – макроэкономикалық талдаудың маңызды бөлігі.» – деп өз баяндамасында ЖАП мүшесі Нұрлан Нұржанов атап өтті.
Шара соңында Қазақстанның жоғары аудит органы Халықаралық валюта қоры мен Дүниежүзілік банкке барлық қатысушылардың кәсіби тәжірибесіне қосқан үлесі үшін алғысын білдірді.
Жоғары аудиторлық палатаның баспасөз қызметі
Дереккөз – https://www.gov.kz/memleket/entities/esep/press/news/details/699903?lang=kk
Мемлекет басшысы Жоғары аудиторлық палата төрағасы Наталья Годунованы қабылдады
- Толығырақ
Мемлекет басшысына Жоғары аудиторлық палатаның былтыр атқарған жұмысы туралы есеп беріліп, алдағы кезеңге арналған жоспары баяндалды.
Наталья Годунованың айтуынша, есеп беріліп отырған кезең ішінде 19,5 триллион теңгеге жуық бюджет қаржысы бойынша 208 нысанға 20 аудиторлық тексеріс жүргізілгенін жеткізді.
Сонымен қатар Президентке өткен жылдың 4-тоқсанында аяқталған жекелеген аудиторлық тексеру жұмыстарының қорытындысы жөнінде мәлімет берілді.
Кездесу соңында Қасым-Жомарт Тоқаев мемлекет ресурсының жұмсалу тиімділігін одан әрі арттыруға, сондай-ақ Жоғары аудиторлық палатаның жаңа өкілеттіктерін іске асыруға қатысты бірқатар нақты тапсырма берді.
Қазақстан Республикасы Президентінің баспасөз қызметі
Дереккөз – https://www.gov.kz/memleket/entities/esep/press/news/details/697954?lang=kk
Жоғары аудиторлық палатаның делегациясы орнықтылық пен әзірлік жөніндегі EUROSAI жобалық тобының бірінші отырысына қатысты
- Толығырақ
Қазақстан Республикасы Жоғары аудиторлық палатасының (ҚР ЖАП) делегациясы Чех Республикасының Ұлттық аудит офисі ұйымдастырған орнықтылық пен әзірлік жөніндегі EUROSAI* жобалық тобының бірінші отырысына қатысты.
Жобалық топ мақсаттарға қол жеткізу, үкіметтің нақты жағымсыз оқиғаларға қаншалықты тиімді әрекет еткенін және бұл тәжірибені қалай қолданғанын айқындау үшін аудит тәсілдерімен алмасу үшін құрылған. Жоғары аудиторлық органға орнықтылық пен әзірлік аудитін жүргізуге мүмкіндік беретін тетікті әзірлеу.
Шара барысында Жоғары аудиторлық палатаның өкілдері тәуекелдерді анықтау және басқару, сондай-ақ келеңсіз оқиғаларға ден қою мәселелерін талқылауға қатысты.
Отырыста ҚР ЖАП мүшесі Тілеген Каскин «Дағдарыс кезіндегі мемлекеттік аудитті жетілдіру: Қазақстан жоғары аудит органының тәжірибесі» тақырыбында баяндама жасады, онда ол Мемлекеттік аудит және қаржылық бақылау бойынша бірыңғай дерекқорды пайдалана отырып, электрондық аудит жүргізуге жағдай жасау үшін АT-саласындағы әлеуетті арттыру қажеттігін айтты. Бұдан басқа, дағдарыстық жағдайларды болжау мен бағалау және уәкілетті органдардың оларға әзірлігін талдаудың математикалық әдістері, үлкен деректер (big data) сияқты талдамалық құралдарды пайдаланудың маңыздылығы атап өтілді.
Жоғары аудиторлық палатаның баспасөз қызметі
*** Жоғары аудит органдарының еуропалық ұйымы (ЕУРОСАИ) INTOSAI (Жоғары аудит органдарының халықаралық ұйымы) аймақтық ұйымдарының бірі, ол өз қатарында жоғары аудит органдарын (бұдан әрі - – ЖАО*) *195 ел толық мүше ретінде, 5 қауымдастырылған мүше ретінде және 1 еншілес мүше ретінде біріктіреді. INTOSAI Біріккен Ұлттар Ұйымының қызметін қолдайтын ұйым дәрежесіне ие.
Дереккөз – https://www.gov.kz/memleket/entities/esep/press/news/details/696273?lang=kk
Ұлытау облысының әкімдігі Жоғары аудиторлық палатаның Нұсқамасы бойынша шаралар қабылдады
- Толығырақ
2023 жылы Қазақстан Республикасы Экология және табиғи ресурстар министрлігі мен оның ведомстволық бағынысты ұйымдарының жекелеген бағыттар бойынша қызметінің тиімділігіне мемлекеттік аудит жүргізілді.
Аудит барысында жергілікті атқарушы органның Қоршаған ортаны қорғау жөніндегі іс-шаралар жоспарын әзірлемегені анықталды, оны әзірлеу Экологиялық кодекстің 29-бабында көзделген, оған сәйкес бірқатар іс-шаралар жоспарланған, оның ішінде қоршаған ортаның жай-күйін жақсарту, экологиялық қауіпсіздікті қамтамасыз ету, қоршаған ортаны қорғауға бағытталған әдістер мен технологияларды жетілдіру, экологиялық білімді насихаттау, экологиялық білім беру мен ағарту, қоршаған ортаны қорғау саласындағы ақпараттық жүйелерді қалыптастыру және толтыру және т.б.
Осыған орай, Ұлытау облысының әкімдігіне тиісті іс-шаралар жоспарын әзірлеу бойынша шаралар қабылдау қажеттігі туралы Нұсқама жіберілді.
Нұсқаманы орындау мақсатында облыс әкімдігі 2023 жылғы қазанда облыстық мәслихаттың шешімімен қоршаған ортаны қорғау жөніндегі 2023-2025 жылдарға арналған іс-шаралар жоспарын әзірлеп, бекітті.
Жоғары аудиторлық палатаның баспасөз қызметі
Дереккөз – https://www.gov.kz/memleket/entities/esep/press/news/details/694804?lang=kk
Қазақстан Республикасының Жоғары аудиторлық палатасы мен Әзербайжан Республикасының Есеп палатасы Ынтымақтастықты күшейту жөніндегі іс-шаралар жоспарына қол қойды
- Толығырақ
Қазақстанның Жоғары аудиторлық палатасының Төрағасы Наталья Годунова мен Әзербайжан Есеп палатасының Төрағасы Вюгар Гүлмаммедов бейнеконференцбайланыс арқылы екіжақты кездесу барысында Қазақстан Республикасы мен Әзербайжан Республикасы арасындағы Ынтымақтастықты дамытудың кешенді бағдарламасын іске асыру шеңберінде 2024-2026 жылдарға арналған ынтымақтастықты күшейту жөніндегі іс-шаралар жоспарына қол қойды.
Жоспарда мемлекеттік аудит саласындағы тәжірибемен және біліммен өзара алмасуға бағытталған іс-шаралар көзделген.
Кездесуде Жоғары аудиторлық палатаның Төрағасы Наталья Годунова Қазақстан мен Әзербайжанның жоғары аудит органдарын екіжақты және көпжақты форматта берік достық қарым-қатынастар байланыстыратынын атап өтті.
«Қазақстан Республикасы мен Әзербайжан Республикасы арасындағы Ынтымақтастықты дамытудың кешенді бағдарламасын іске асыруда біздің жоғары аудит органдары арасындағы ынтымақтастықты күшейту жөніндегі іс-шаралар жоспарына, сондай-ақ одан әрі жаңартылған Ынтымақтастық туралы меморандумға қол қою Қазақстан мен Әзербайжан ЖАО-ларының мемлекеттеріміздің игілігі үшін жемісті ынтымақтастығын дамытуға жаңа бағыт береді», - деді Н. Годунова.
Өз кезегінде Әзербайжан Есеп палатасының Төрағасы Вюгар Гүлмаммедов: «Әзербайжан Есеп палатасы мен Қазақстан Республикасының Жоғары аудиторлық палатасының ынтымақтастығы ең жоғары деңгейде қалып отыр. Алайда, қазіргі заманның шындығы елдеріміздің арасындағы, оның ішінде мемлекеттік аудитті жетілдіру саласындағы ынтымақтастықты нығайту қажеттігін негіздейді», - деп атап өтті.
Іс-шара қорытындысы бойынша екі елдің жоғары аудит органдары одан әрі сындарлы өзара іс-қимылға сенім білдірді.
Дереккөз – https://www.gov.kz/memleket/entities/esep/press/news/details/685851?lang=kk
Тағы мақалалар...
- Жоғары аудиторлық палата Мәжілісте су ресурстарын басқару тиімділігін талдау туралы есеп берді
- ҚР Жоғары аудиторлық палатасының Төрағасы Н.Н. Годунованың 2023 жылғы 20 желтоқсандағы ҚР Парламенті Мәжілісінің жалпы отырысында «Жекелеген аудиторлық іс-шаралардың қорытындылары бойынша су ресурстарының басқарылу тиімділігін талдау» тақырыбында сөйлейті
- Жоғары аудиторлық палата Төрағасының дәрісі
- Жоғары аудиторлық палата Дүниежүзілік банк командасымен кездесті