ПРЕЗИДЕНТ ЕСЕП КОМИТЕТІНІҢ ТӨРАҒАСЫ Н. ГОДУНОВАНЫ ҚАБЫЛДАДЫ

Толығырақ

2021 жылғы 28 қыркүйекте Мемлекет басшысы Қасым-Жомарт Тоқаевқа 2022-2024 жылдарға арналған республикалық бюджет жобасына алдын ала бағалаудың негізгі нәтижелері жөнінде баяндама ұсынылды.

Н. Годунованың мәліметіне сәйкес 9 басым бағыт бойынша үш жылда жұмсалатын 3,2 триллион, оның ішінде 2022 жылға жоспарланған 1,2 триллион теңге көлеміндегі қаржыға бағалау жүргізілді.

Оның қорытындысы бойынша Есеп комитеті жұмсалатын 1,16 триллион теңгені, оның ішінде 2022 жылға жоспарланған 306,3 миллиард теңгені оңтайландыруды ұсынды.Бюджетті қалыптастыру процесінде бірқатар кемшіліктер аталып, оларды жою жөнінде нақты ұсыныстар берілді.

Сонымен қатар Есеп комитетінің төрағасы жекелеген аудиторлық іс-шаралардың алдын ала қорытындылары туралы да есеп берді.

Кездесу қорытындысы бойынша Мемлекет басшысы мемлекеттік аудит және қаржылық бақылау органдарының қызметін жетілдіру жөнінде бірқатар нақты тапсырма берді.

Дереккөз: https://www.akorda.kz/ru/prezident-prinyal-predsedatelya-schetnogo-komiteta-natalyu-godunovu-2882531