Бас бет19.03.2015 Есеп комитетінде Дүниежүзілік банктің сарапшыларымен кездесу болды
- Толығырақ
Кездесу барысында сыртқы мемлекеттік қаржылық бақылау жүйесінің мемлекеттік аудитке көшуіне жәрдемдесу бойынша жобаны іске асыру үшін Дүниежүзілік банктің грантын алуға Есеп комитетінің өтінімін қарауға байланысты мәселелер талқыланды.
Жобада техникалық аудит саласындағы әдіснамалық құжаттарды әзірлеу шеңберінде техникалық көмек көрсету, сондай-ақ мемлекеттік аудиторлар даярлау және Есеп комитеті қызметкерлерінің біліктілігін арттыру қарастырылған.
кездесудің соңында Тараптар Қазақстан Республикасында мемлекеттік аудиттің біртұтас жүйесін құру, бюджет қаражатын пайдаланудың ашықтығын арттыру, қаржылық бұзушылықтардың алдын алу және жемқорлықтық құқық бұзушылықтарды жасауға ықпал ететін факторларды болдырмау мақсатында бірлескен жұмыстар жүргізуге қызығушылық білдірді.
Дүниежүзілік банк - дүние жүзі бойынша дамушы елдерге қаржылық және техникалық көмек көрсету үшін 1944 жылы құрылған халықаралық қаржы институты.
Есеп комитетінің баспасөз қызметі