16.02.2015 Есеп комитетінің мүшесі Константин Плотников 2015 жылғы 10-13 ақпанда Куала-Лумпур қаласында (Малайзия) өткен ASOSAI-дың (Азия жоғары қаржы бақылау органдары ұйымы) XIII Ассамблеясының жұмысына қатысты
- Толығырақ
Ассамблея жұмысына ASOSAI-ға мүше39 елдің өкілдері қатысты. Ұйымның үш жылдық қызметінің қорытындысы шығарылды.
ASOSAI-дың орта мерзімді перспективаға арналған саясаты айқындалып, 2016-2021 жылдарға арналған стратегиялық жұмыс жоспары қаралды.
ASOSAI Басқарма кеңесінің және Аудит жөніндегі комитеттің 2015-2018 жылдарға жаңа мүшелері сайланды. Үндістанның Бас аудиторы Шаши Канта Шарма мырзадан Малайзияның Бас аудиторы Амбрин Бин Буанг мырзаға Ұйым Төрағасының өкілеттігін беру рәсімі өткізілді.
ASOSAI-дың 6-шы симпозиумы аясында жоғары қаржы бақылау органдарының қызметінде технологияларды тиімді пайдалану мәселелері талқыланды. IT-аудитін өткізудің тиімділігін арттыру проблемаларына баса назар аударылды.
ASOSAI мүшелері мемлекеттік қаржылық бақылау жүргізу, сондай-ақ алаяқтық және сыбайлас жемқорлық фактілерін анықтау және олардың алдын алу бойынша озық тәжірибелерімен бөлісті.
ASOSAI (Азия жоғары қаржы бақылау органдарының ұйымы) – осы ұйымның құрамына Азия-Тынық мұхиты аймағындағы 46 елдің жоғары қаржы бақылау органдары кіреді. Ұйым 1979 жылы құрылған. ASOSAI-дың жоғары органы Ассамблея болып табылады, ол 3 жыл сайын өткізіледі.
Есеп комитетінің баспасөз қызметі